15 جنوری ، 2016 
امریکہ کا جنرل جوزف وٹل کو فوج کا نیا سربراہ بنانے کا اعلان
15 جنوری ، 2016
واشنگٹن........امریکہ نے جنرل جوزف وٹل کو مسلح افواج کا نیا سربراہ بنانے کا اعلان کر دیا،وٹل فوج کے ریٹائر ہونے والے جنرل لائیڈ آسٹن کی جگہ سینٹرل کمانڈ کی قیادت سنبھالیں گے۔
امریکی وزیر دفاع ایش کارٹر نے اعلان کیا ہے کہ فوج کے جنرل جوزف وٹل کو امریکی سینٹرل کمانڈ کا کمانڈر نامزد کیا جائے گا، جو عراق اور شام میں آپریشنز کی نگرانی کرتی ہے۔انھوں نے کہا کہ وٹل کی تقرری کے حوالے سے صدر باراک اوبامہ کو سفارش بھیج دی گئی ہے جس کی جلد منظوری کا امکان ہے۔
جنرل وٹل کی تعیناتی صدر اوباما کے اس فیصلے کی عکاسی ہو گی کہ اب داعش کے خلاف جنگ میں خصوصی فورسز کی کارروائیوں کی سرگرمیوں کی طرف پیش رفت ہوگی۔57 سالہ وٹل 75 ویں رینجر رجمنٹ کے سابق کمانڈر ہیں اور وہ عراق اور افغانستان کی جنگوں میں بھی حصہ لے چکے ہیں۔
وہ 2014 میں اسپیشل آپریشن کمانڈ کی قیادت سنبھالنے سے پہلے خفیہ اسپیشل آپریشنز کمانڈ کی بھی قیادت کر چکے ہیں۔
مزید خبریں :
سوڈان میں ڈرون حملہ، یو این امن مشن کے 6 بنگلادیشی ارکان جاں بحق
14 دسمبر ، 2025
امریکا کی براؤن یونیورسٹی میں فائرنگ سے 2 افراد ہلاک، متعدد زخمی
14 دسمبر ، 2025
اسرائیل نے مغربی کنارے میں 19 یہودی بستیوں کو قانونی حیثیت دے دی
14 دسمبر ، 2025
