23 جنوری ، 2016 
شکیرا کا فلم ’’زوٹوپیا‘‘کیلئے تھیم سونگ ’’ٹرائی ایوری تھنگ‘‘ جاری
23 جنوری ، 2016
نیویارک........معروف کولمبین سنگر شکیرا نے ہالی ووڈکی کامیڈی اور ایکشن سے بھرپور نئی تھری ڈی کمپیوٹر اینیمیٹڈ فلم"زوٹوپیا"کا تھیم سونگ جاری کر دیا ہے۔
’’ٹرائی ایوری تھنگ‘‘کے بولوں پر مبنی اس گیت کی موسیقی شکیرا نے ترتیب دی ہے جبکہ گانا واکا واکا گرل کی ہی آواز میں ریکارڈ کیا گیا ہے۔
ہدایتکاربیرن ہاؤرڈ اور رِچ مور کی مشترکہ ڈائریکشن میں بننے والی اس فلم کی کہانی زو ٹوپیا نامی ایک ایسے منظم جنگل کے گِرد گھوم رہی ہے جہاں انسانوں کا داخلہ ممنوع ہوتا ہے جبکہ تمام جانورجنگل کے قواعد و ضوابط کی پابندی کرتے ہوئے ایک ساتھ ملکر ہنسی خوشی زندگی بسر کرتے ہیں۔
کلارک سپینسر کی پروڈیوس کردہ اس فلم کی کہانی جیرڈ بش نے تحریر کی ہے جبکہ فلم کے مرکزی کرداروں کے ڈائیلاگ جیسن بیٹمین اور جینیفر گُڈ وِن کی آوازوں میں ریکارڈ کئے گئے ہیں۔والٹ ڈزنی اینیمیشن اسٹوڈیوز کی تیار کردہ یہ کامیڈی ایکشن انییمیٹیڈ فلم موشن پکچرز اور والٹ ڈزنی کے تحت 4مارچ کو سنیما گھروں میں دھوم مچانے آرہی ہے۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
10 گھنٹے پہلے
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
