27 جنوری ، 2016 
جامعہ کراچی کےداخلی دروازوں پر واک تھرو گیٹ نصب کرنے کا فیصلہ
27 جنوری ، 2016
کراچی.....جامعہ کراچی کی سیکورٹی بہتر بنانے کیلئے داخلی دروازوں پر واک تھرو گیٹ نصب کرنے کا فیصلہ کیا گیا ہے۔
جامعہ کراچی کی انتظامیہ اور سیکورٹی اداروں کا اجلاس ہوا ، جس میں یونیورسٹی کی سیکورٹی کیلئے کیے گئے اقدامات کا جائزہ لیا گیا۔
اجلاس میں فیصلہ کیا گیا کہ آئندہ ہفتے جامعہ کراچی کے داخلی دروازوں پرواک تھروگیٹ نصب کیےجائینگے، جامعہ کی دیوار چاروں اطراف سے 8 فٹ بلند کی جائے گی جبکہ جامعہ کے اندر موجود جھاڑیوں کا بھی خاتمہ کیا جائے گا۔
اجلاس میںجامعہ کراچی کیلئے ریٹائرڈ فوجیوں پر مشتمل سیکیورٹی گارڈ بھرتی کرنے کا فیصلہ بھی کیا گیا۔
جامعہ کراچی کے وائس چانسلر محمد قیصر، رجسٹرار ، ونگ کمانڈر، ڈی ایس آر اور دیگر نے اجلاس میں شرکت کی۔
واضح رہے کہ جامعہ کراچی نے سیکورٹی صورتحال کے باعث30جنوری کو ہونے والا جلسہ تقسیم اسناد بھی ملتوی کردیا گیا ہے۔
