03 فروری ، 2016 
کنگ خان نے ٹوئٹر سے کنارہ کشی اختیار کرلی
03 فروری ، 2016
ممبئی .......بالی ووڈ کے کنگ خان اپنی شاندار اداکاری کے باعث نا صرف دنیا بھر میں مشہور ہیں بلکہ سوشل میڈیا پر بھی بے حد مقبولیت حاصل کر چکے ہیں تاہم اب انہوں نے ٹوئٹر سے کنارہ کشی اختیار کرلی ہے۔
سوشل میڈیا سے دور رہنے کی وجہ بتاتے ہوئے انہوں نے کہا کہ میں اب ٹوئٹر استعمال نہیں کرتا کیونکہ میں سوشل میڈیا پر کوئی منفی مواد نہیں دیکھنا چاہتا ،کچھ لوگ ایسے ہیں جو نہایت بے وقوفانہ اور غلط باتیں کہتے ہیں جسے میں ہر گز پڑھنے کا روادار نہیں اس لئے بد قسمتی سے میں نے سوشل میڈیا پر اس قسم کی گفتگو پڑھنا چھوڑ دی ہے۔
شاہ رخ خان نے لوگوں سے درخواست کرتے ہوئے مزید کہا کہ سوشل میڈیا کا غلط استعمال نہ کریں اور اداکار یا اداکارؤں کے بارے میں غلط باتیں نہ کی جائیں تو بہتر ہے جسے جو کہنا ہے سوشل میڈیا پر کہنے کی بجائے سامنے آکر کہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
