04 جون ، 2012 
کہوٹہ :باراتیوں کی بس کھائی میں جاگری، 23مسافر جاں بحق،70 زخمی
04 جون ، 2012
کہوٹہ. . . . .کہوٹہ میں باراتیوں سے بھری ایک بس کھائی میں گرگئی جس کے نتیجے میں23افرادجاں بحق اور70 زخمی ہوگئے۔ ریکسکیو ذرائع کے مطابق بارات چکوال سے آئی تھی اور حادثہ اس وقت پیش آیا جب بارات واپس جارہی تھی۔حادثہ کہوٹہ سے25کلو میٹر سے دور نرڑ کے مقام پرپیش آیا۔حادثے کے بعد روشنی کی کمی کے باعث امداد ی کارروئیوں میں مشکلات کا سامنا کرنا پڑا ۔حادثے میں زخمی ہونے والے70 مسافروں کو اسپتال منتقل کردیا گیا ہے جہاں ایمرجنسی نافذ کردی گئی ہے۔بس میں100 سے زائد مسافر سوار تھے۔جاں بحق ہونے والوں میں عورتیں اور بچے بھی شامل ہیں۔سی پی او راولپنڈی اظہر حمید کھوکھر کے مطابق امدادی کارروائیاں جار ی ہیں،لگتا ہے بس موڑ کاٹتے ہوئے کھائی میں جاگری ہے،حادثے کی وجوہات جاننے کی کوشش کر رہے ہیں۔
مزید خبریں :
