06 جون ، 2012 
ڈاکٹر ارسلان افتخار،ملک ریاض اور اٹارنی جنرل کو نوٹس جاری
06 جون ، 2012
اسلام آباد. . . . چیف جسٹس افتخار محمد چوہدری نے ڈاکٹر ارسلان افتخار اور ملک ریاض حسین کو نوٹس جاری کردیے ہیں جبکہ اٹارنی جنرل کو بھی نوٹس جاری کیا ہے۔ذرائع کے مطابق چیف جسٹس افتخار محمد چوہدری نے اپنے بیٹے ڈاکٹر ارسلان افتخار اور ملک کے ایک بزنس مین ملک ریاض حسین کے حوالے سے میڈیا میں آنے والے خبروں کا نوٹس لیتے ہوئے انہیں نوٹس جاری کرتے ہوئے عدالت طلب کرلیا ہے ۔کیس کی سماعت آج کھلی عدالت میں ہوگی۔اٹارنی جنرل کو بھی نوٹس جاری کیے گئے ہیں۔میڈیا میں ان دنوں ڈاکٹر ارسلان اور ملک ریاض حسین کے درمیان ایک ڈیل کی خبریں گردش میں ہیں جس میں ڈاکٹر ارسلان نے ملک ریاض سے مبینہ طور پر کروڑوں روپے لیے،شاپنگ یا غیر ملکی دوروں کا الزام عائد کیا جارہا ہے جو عدالتی فیصلوں پر اثر انداز ہوسکتے ہیں۔اس وقت ملک ریاض حسین پر عدالت میں کئی کیس زیر سماعت ہیں ۔
مزید خبریں :
