06 مارچ ، 2016 
شمالی کوریا پر پابندیوں کا اعلان جلدمتوقع ہے ، جنوبی کوریا
06 مارچ ، 2016
سیول.......... جنوبی کوریا نے انکشاف کیا ہے کہ پیانگ یانگ کے خلاف تازہ پابندیوں کا اعلان جلد متوقع ہے۔
غیر ملکی میڈیاکے مطابق جنوبی کوریا کے ایک اہلکار نے اپنی شناخت ظاہر نہ کرنے کی شرط پر یہ انکشاف کیا ہے کہ پیانگ یانگ کے خلاف تازہ پابندیوں کا اعلان جلد متوقع ہے۔اقوام متحدہ کی سلامتی کونسل نے بھی گزشتہ بدھ شمالی کوریا کے خلاف اب تک کی سخت ترین پابندیاں عائد کرنے کا اعلان کیا تھا، جن کی تفصیلات آئندہ ہفتے کے دوران متوقع ہیں۔
اسی دوران کل سے جنوبی کوریا اور امریکا کی مشترکہ سالانہ جنگی مشقیں شروع ہو رہی ہیں، جنہیں پیونگ یانگ اپنی سلامتی کے لیے خطرہ قرار دیتا ہے۔ یہ مشقیں تیس اپریل تک جاری رہیں گی۔ شمالی کوریا نے ان مشقوں کو جنگ کی تیاری سے تعبیر کیا ہے۔
مزید خبریں :
ٹرمپ نے ایک بار پھر تھائی لینڈ اور کمبوڈیا کے درمیان جنگ رکوادی
12 دسمبر ، 2025
