09 مارچ ، 2016 
امریکا کا داعش کمانڈر الشیشانی کی فضائی کارروائیمیں ہلاکت کا دعویٰ
09 مارچ ، 2016
دمشق........ امریکی حکام نے داعش کے اہم ترین کمانڈر اوروزیر جنگ ابو عمر الشیشانی کی شام میں فضائی کارروائی کے دوران ہلاکت کا دعویٰ کیا ہے۔
عرب ویب سائٹ العربیہ ڈاٹ نیٹ کے مطابق امریکی حکام کا کہنا ہے کہ ابو عمر الشیشانی، جسے پنٹا گون داعش کا وزیر جنگ تصور کرتا تھا، منگل اور بدھ کی درمیانی شب شام امریکی فضائی حملے میں ہلاک ہو گیا۔ امریکی حکام کے مطابق الشیشانی کو لڑاکا طیاروں اور بغیر پائلٹ جاسوس طیاروں نے مشترکہ کارروائی میں الشدادی کے قریب نشانہ بنایاگیا ۔
ابو عمر الشیشانی کی ہلاکت داعش کے خلاف کارروائیوں میں بڑی کامیابی ہے۔ الشیشانی امریکا کو انتہائی مطلوب افراد کی فہرست میں شامل تھا اور اس کے بارے میں زندہ یا مردہ اطلاع دینے والے کے لئے 50 لاکھ امریکی ڈالر انعام مقرر تھا۔ الشیشانی 1986 میں جارجیا میں پیدا ہوا اور کافی عرصے سے داعش سے منسلک تھا۔
اسے داعش کے خلیفہ ابوبکر البغدادی کا انتہائی قریبی ساتھی سمجھا جاتا تھا اور وہ داعش میں متعدد اہم فوجی عہدوں پر فائز رہا۔
مزید خبریں :
ٹرمپ نے ایک بار پھر تھائی لینڈ اور کمبوڈیا کے درمیان جنگ رکوادی
12 دسمبر ، 2025
