07 جون ، 2012 
کوئٹہ:مدرسے کے باہر دھماکا، جاں بحق افرادکی تعداد9ہوگئی
07 جون ، 2012
کوئٹہ…کوئٹہ میں مدرسہ کے باہر دھماکے کے نتیجے میں دو بچوں سمیت نو افراد جاں بحق جبکہ 35افراد زخمی ہوگئے۔پولیس کے مطابق دھماکہ سریاب لنک روڈ پر ایک مدرسہ کے باہر ہوا دھماکہ اتنا شدید تھا کہ اس میں دو بچوں سمیت نو افراد جاں بحق جبکہ 35افراد زخمی ہوگئے، دھماکے کی جگہ سے ایک سائیکل ملی ہے،دھماکے میں جاں بحق ہونے والے افراد کی لاشوں اور زخمیوں کو سول اسپتال منتقل کردیاگیاہے، زخمیوں میں آٹھ کی حالت تشویشناک بتائی جاتی ہے،دھماکے کے بعد پولیس اور فرنٹئر کور موقع پر پہنچ گئی،دھماکے کے نتیجے میں وہاں کئی گاڑیوں کو نقصان پہنچا اور قریبی عمارتوں کے شیشیے بھی ٹوٹ گئے، ڈی آئی جی پولیس آپریشنز قاضی عبدالواحد نے بتایا کہ دھماکے میں مدرسہ کو نشانہ بنایا گیا، دھماکہ خیز مواد سائیکل پر نصب کیاگیا تھاجبکہ سی سی پی او کوئٹہ کے مطابق دھماکہ کے وقت مدرسہ میں دستار بندی کی تقریب جاری تھی، دوسری جانب وزیراعلیٰ بلوچستان نواب اسلم رئیسانی نے مدرسہ کے قریب دھماکے کی رپورٹ طلب کرلی ہے۔
مزید خبریں :
