پاکستان
16 مارچ ، 2016
16 مارچ ، 2016 
پشاور: سنہری مسجد روڈ پر بس میں دھماکا،3 افرادجاں بحق،متعددزخمی
16 مارچ ، 2016
پشاور… پشاور میں سنہری مسجد روڈ پر سرکاری ملازمین کی بس میں دھماکے کےنتیجے میں 3 افراد جاں بحق اور50 سے زائد زخمی ہوگئے ہیں۔زخمیوں میں بعض کی حالت تشویشناک ہے۔
تفصیلات کے مطابق بس سیکریٹریٹ کے 40سے زائد ملازمین کو لے مردان سے پشاور آرہی تھی کہ جونہی سنہری روڈ پر تھانہ غربی کےبالکل سامنے پہنچی تو زوردار دھماکا ہوا، دھماکے سے بس مکمل طور پر تباہ ہوگئی، بس کی باڈی کاٹ کر زخمیوں کو نکالا گیا، زخمیوں کولیڈی ریڈنگ اورکنٹونمنٹ اسپتال منتقل کیا گیا۔
فوری طور پر دھماکے کی نوعیت معلوم نہیں ہوسکی تاہم خیال کیا جارہا ہے کہ دھماکا ٹائم ڈیوائس کے ذریعے بس کے اندر ہوا۔
دھماکے کے بعد سیکورٹی فورسز نے علاقے کو گھیرے میں لے لیا اور تحقیقات شروع کردیں۔
