07 جون ، 2012 
سینیٹ قائمہ کمیٹی خزانہ کی وزیراعظم ہاوٴس کو تعلیمی ادارہ بنانے کی مخالفت
07 جون ، 2012
اسلام آباد … سینیٹ کی قائمہ کمیٹی برائے خزانہ نے اسلام آباد میں 250 گز سے زائد زمین پر دو فی صد کیپٹل ویلیو ٹیکس عائد کرنے کی تجویز دی ہے جبکہ وزیر اعظم ہاوٴس کو تعلیمی ادارہ بنانے کے فیصلے کی مخالفت کی ہے۔ کمیٹی کی چیئرپرسن سینیٹر نسرین جلیل نے اجلاس کی صدارت کی۔ اجلا س میں اراکین پارلیمنٹ کے ٹرانسپورٹیشن الاوٴنس کو ڈیڑھ لاکھ سے بڑھا کر 3 لاکھ روپے کرنے کی سفارش کی گئی۔ اجلاس میں سینیٹر حاجی عدیل نے کہا کہ وزیر اعظم اور صدر ایک ہی گھر میں رہیں تاکہ خرچے کم ہوسکیں۔ سینیٹر صغری ٰامام، کلثوم پروین، عثمان سیف اللہ، فتح محمد اور الیاس بلور نے کہا کہ وزیر اعظم ہاوٴس کو تعلیمی ادارہ نہ بنایا جائے، بجلی کی پیداوار کیلئے ترقیاتی منصوبوں کو 500 ارب روپے کے اضافی فنڈز دینے کی تجویز کا حتمی فیصلہ جمعہ تک موٴخر کر دیا گیا۔
