03 جون ، 2016 
قومی بچت اسکیموں کے منافع میں غیر معمولی کمی
03 جون ، 2016
وفاقی حکومت نے قومی بچت اسکیموں میں اضافے میں غیر معمولی کمی کا نوٹی فکیشن جاری کر دیا، اب ایک لاکھ روپے کے ڈیفنس سرٹیفکیٹ لینے والے کو دس سال بعد صرف دو لاکھ دس ہزار روپے ملا کریں گے۔
ذرائع کے مطابق سولہ سال قبل ایک لاکھ روپے کا ڈیفنس سیونگ سرٹیفیکیٹ خریدنے والے کو دس سال بعد پانچ لاکھ دس ہزار روپے ملتے تھے لیکن یکم جون 2016 کو جاری کئے گئے نوٹی فکیشن کے تحت اب صرف دو لاکھ دس ہزار روپے ملا کریں گے۔
اس طرح ڈیفنس سرٹیفیکیٹ پر دس سال بعد منافع میں تین لاکھ روپے کی کمی ہوگئی ہے ۔ اس کمی کے باعث قومی بچت اسکیموں میں پنشنروں اور غریب و متوسط طبقے کی سرمایہ کاری میں اضافہ رک جائے گا۔
قومی بچت اسکیموں میں سرمایہ کاری میں کمی ہونے پر وفاقی حکومت کو داخلی قرضے میں مشکل پیش آنا شروع ہو جائے گی۔
ڈیفنس سیونگ سرٹیفکیٹ کے علاوہ قومی بچت کی تمام اسکیموں کا شرح منافع بھی یکم جون 2016 سے کم کرنے کا نوٹی فکیشن جاری کیا گیا ہے۔
مزید خبریں :
سونے کی ایک بار پھر بڑی چھلانگ، فی تولہ 10 ہزار 700 روپے مہنگا
12 دسمبر ، 2025
پاکستان کو آئی ایم ایف سے ایک ارب 20 کروڑ ڈالر موصول ہوگئے
11 دسمبر ، 2025
گردشی قرضہ ایک بارپھر بے قابو، رواں برس 734 ارب اضافے کا خطرہ
11 دسمبر ، 2025
ملک میں فی تولہ سونا 1200 روپے مہنگا ہوگیا
10 دسمبر ، 2025
