16 جون ، 2016 
دھماکا خیز مواد کیس،مبینہ را ایجنٹوں نے اعتراف کرلیا
16 جون ، 2016
دھماکا خیز مواد رکھنے سے متعلق کیس میں را کے مبینہ ایجنٹس فہیم مرچی اور ناصر کھجی کا اقبالی بیان کراچی کی مقامی عدالت میں قلمبند کرلیا گیا۔
دھماکا خیز مواد رکھنے سے متعلق کیس کی سماعت جوڈیشل مجسٹریٹ جنوبی کی عدالت میں ہوئی۔ ایم کیو ایم کارکن اور مبینہ را ایجنٹ ملزم فہیم مرچی اور ناصر کھجی نے اقبالی بیان قلمبند کراتے ہوئے دھماکا خیز مواد رکھنے کا اعتراف کرلیا۔
بیان کے مطابق ملزمان وارداتیں کرنے کے بعد اسلحہ نبی بخش کے علاقے میں خالی پلاٹ میں چھپاتے تھے جبکہ انھیں وارداتوں کیلئے اسلحہ سعید بھرم فراہم کرتا تھا۔
ملزمان نے اقبالی بیان میں بھارتی ایجنسی را سے دہشت گردی کی تربیت لینے کا بھی اعتراف کیا ہے۔پولیس کے مطابق ملزمان کیخلاف سندھ اسمبلی اور سندھ سیکریٹریٹ پر حملے کے مقدمات نبی بخش تھانے میں درج ہیں۔
مزید خبریں :
