ہالی وڈ کی مشہورِ زمانہ فلم اسٹار ٹریک میں چیکوو کا کردارنبھا نے والے27سالہ اداکار اینٹون یلچِن کار حادثے میں جان کی بازی ہار گئے۔

لاس اینجلس میں پیش آنیوالے اس حادثے میں روسی نژاد اداکار اینٹون کے گھر میں ہی گاڑی ایک ڈھلوان پر پیچھے کی جانب چلتے ہوئے انہیں ساتھ گھسیٹ کر لے گئی اور حفاظتی باڑ اور اینٹوں سے بنے پوسٹ باکس سے جا ٹکرائی۔

نتیجے میں اپنی ہی کار کے نیچے آ کر ہلاک ہو گئے ہیں۔گزشتہ روز پیش آنیوالے اس واقعے کا مداحوں کا شدید جھٹکا لگا، جن کی موت کی خبر ٹوئٹر پر بھی ٹرینڈ کرتی رہی۔

اینٹون نے 2009 میں اسٹار ٹریک، جبکہ 2013 میں اسٹار ٹریک ان ٹو ڈارکنیس میں پاویل چیکوو کا کردار ادا کیا، جبکہ اسی کردار کے ساتھ ان کی تیسری فلم اسٹار ٹریک بیونڈ آئندہ ماہ ریلزکیلئے تیار ہے۔

اسٹار ٹریک سیریز کے علاوہ اینٹون نے لائیک کریزی اور گرین روم جیسی کئی دیگر فلموں میں کام کیا جو بیحد پسند کیا گیا۔ان کے خاندان نے اینٹون کی موت کی تصدیق کرتے ہوئے ان کی ذاتیات کا خیال رکھنے کی درخواست کی ہے۔