01 جولائی ، 2016 
کراچی: یوم القدس پر ریلیاں،خواتین و بچوں کی شرکت
01 جولائی ، 2016
کراچی میں بھی یوم القدس پر ریلیاں نکالی گئیں، مقررین نے مطالبہ کیا کہ مسلم ممالک کے سربراہان، فلسطین کی آزادی کیلئے اپنا کردار اداکریں۔
یوم القدس کے سلسلے میں مرکزی ریلی امامیہ اسٹوڈینٹس کے تحت نمائش چورنگی سے تبت سینٹر تک نکالی گئی، ریلی میں خواتین اور بچوں سمیت بڑی تعداد میں لوگوں نے شرکت کی ۔
ریلی سے خطاب کرتے ہوئے مقررین کا کہنا تھاکہ وہ فلسطین میں اسرائیلی جارحیت کی مذمت کرتے ہیں، انہوں نے اقوام متحدہ اور او آئی سی سے مطالبہ کیا کہ وہ فلسطین میں مسلمانوں کا قتل عام بند کرانے کے لیے اپنا کردار ادا کریں۔
ریگل چوک سے پریس کلب تک شیعہ علماء کونسل کے تحت القدس ریلی علامہ ناظر عباس تقوی کی قیادت میں نکالی گئی ،اپنے خطاب میں علامہ ناظر عباس تقوی نے کہا کہ بیت المقدس کی آزادی پوری امت مسلمہ کی ذمہ داری ہے۔
ریلی کے شرکاء سے جماعت اسلامی کے رہنما اسد اللہ بھٹو اور جے یو پی کے قاضی احمد نورانی سمیت دیگر نے خطاب کیا۔
