پاکستان
24 جولائی ، 2016
24 جولائی ، 2016 
حافظ آباد: نوجوان پر تشدد کرنیوالے تمام ملزمان گرفتار
24 جولائی ، 2016
حافظ آباد میں نوجوان تنویر پر تشدد کرنے والے تمام پانچ ملزمان کو گرفتار کرلیا گیا ہے، ملزمان نے تشدد کی ویڈیو بنا کر انٹر نیٹ پر اپ لوڈ بھی کی تھی، دو ماہ سے لاپتا تنویر کا بھی پتا چل گیا۔ پولیس کے مطابق تنویر خاتون سے زیادتی کے کیس میں جیل میں بند ہے۔
گرفتار ملزمان نے بیان دیا ہے کہ تنویر ان کے گھرٹی وی چوری کرنے آیا تھا،اس لیے اس پر تشدد کیا اور یہ واقعہ دو ماہ پہلے کا ہے،تنویر کے والدین نے الزام لگایا تھا کہ مقامی زمیندار نے ان کے بیٹے کو تشدد کا نشانہ بنایا۔
تحقیقات کی گئیں تو پتا چلا کہ تنویر پرایک ماہ قبل گوجرانوالہ کے تھانا کوٹ لدھا میں خاتون سے زیادتی کا مقدمہ درج ہے اور وہ اس کیس میں گوجرانوالہ کی سینٹرل جیل میں قید ہے ۔
