02 اگست ، 2016 
پاک انگلینڈ تیسرا ٹیسٹ کل سے برمنگھم میں شروع ہوگا
02 اگست ، 2016
پاکستان اور انگلینڈ کے درمیان سیریز کا تیسرا ٹیسٹ کل سے برمنگھم میں شروع ہوگا جہاں ماضی میں شاہینوں نے ٹیسٹ ڈرا تو کیے ہیں لیکن کبھی ہوم ٹیم کو زیر نہیں کر پائے ہیں۔
پاکستان اور انگلستان کا اب تک کا مقابلہ برابری کا رہا ہے ،دونوں ہی ٹیموں میں کمال کے بیٹسمین ہیں ۔جادو گر اسینرز اور اپنی برق رفتاری سے حریف بیٹسمینوں کو ڈرانے دھمکانے والے فاسٹ بولرز ہیں۔
لارڈزمیں شاہین فاتح بنے ،اولڈ ٹریفورڈ میں ہوم ٹیم نے سود سمیت حساب چکتا کیا،اب میدان برمنگھم میں سج رہا ہے جہاں کل شام سے بادل جم کر برس رہے ہیں البتہ اگلے روز بارش کی پیش گوئی تو نہیں لیکن ایسے میں ٹاس بہت اہم ہو گیا ہے۔
ویسے برمنگھم میں شاہینوں کا ریکارڈ پہلے ہی اچھا نہیں، چار ٹیسٹ ہارے، تین برابر کھیلے ،جیت کوئی نہیں ملی لیکن کوچ مکی آرتھر کہتے ہیں کہ تاریخ کبھی بھی بدل سکتی ہے۔
اطلاعات یہ بھی ہیں ٹیم پاکستان میں دو تبدیلیاں ہو سکتی ہیں شان مسعود اور وہاب ریاض آؤٹ، سمیع اسلم اور سہیل خان ان ہو سکتے ہیں ۔
