20 جون ، 2012 
قومی اسمبلی کا اجلاس جمعہ کو طلب،وزیر اعظم کا انتخاب عمل میں آئے گا
20 جون ، 2012
اسلام آباد…صدر آصف علی زرداری نے اسمبلی کا اجلاس 22 جون کی شام ساڑھے پانچ بجے طلب کر لیا ہے جس میں نئے وزیر اعظم کا انتخاب کیا جائے گا وزیر اعظم کے عہدے کے لیے کاغذات نامزدگی کل (جمعرات) قومی اسمبلی سیکریٹریٹ میں جمع کرائے جائیں گے۔ قومی اسمبلی کے جمعہ کی شام ساڑھے 5 بجے ہونے والے اجلاس میں نئے وزیر اعظم کا انتخاب کیا جائے گا۔پارلیمانی روایات کے مطابق کسی بھی موجودہ یا سابق رکن قومی اسمبلی کے انتقال پر قومی اسمبلی کا اجلاس پہلے دن دعائے مغفرت اور تعزیتی بیانات کے بعد ملتوی کر دیا جاتا ہے تاہم موجودہ صورتحال میں قومی اسمبلی کا جمعہ کو طلب کیا گیا اجلاس فوزیہ وہاب کے انتقال کے باعث ملتوی کرنے یا نہ کرنے کا فیصلہ حکومت، اتحادی جماعتوں اور اپوزیشن سے مشاورت کے بعد کرے گی۔
مزید خبریں :
