22 جون ، 2012 
کاوٴنٹی کرکٹ کرپشن کیس: دانش کنیریا کو مجرم قرار دے دیا گیا
22 جون ، 2012
لندن…کاوٴنٹی کرکٹ کرپشن کیس میں انگلش کرکٹ بورڈ کی ڈسپلنری کمیٹی نے لیگ اسپنر دانش کنیریا کو مجرم قرار دے دیا، ان پر کسی بھی قسم کی کرکٹ کھیلنے پر 2 سے 5 سال کی پابندی کا امکان ہے۔دانش کنیریا پر الزام تھا کہ انہوں نے کاونٹی چمپئن شپ 2009 میں ڈرہم کیخلاف میچ میں اسپاٹ فکسنگ کیلئے ایسکس کے ساتھی کرکٹر میروین ویسٹ فیلڈ کو اکسایا،جس کا ویسٹ فیلڈ پہلے ہی اعتراف کرچکے ہیں۔ انگلش کرکٹ بورڈ کے ایک رکنی پینل نے پانچ دن لندن میں سماعت کے بعد فیصلہ کیا کہ دانش کنیریا نے ہی میروین ویسٹ فیلڈ کو بک میکرز سے ملوایا۔ سماعت کے دوران آئی سی سی کے انسپکٹر ایلین پی کوک نے بھی بتایا تھا کہ2008 ء میں دانش کو خبردار کیا گیا تھا کہ بھارتی بکی انو بھٹ سے دور رہا جائے۔ ڈسپلنری کمیٹی کا ماننا ہے کہ دانش کنیریا پر الزام درست ہے کیونکہ وہ اسے رد کرنے میں ناکام رہے ۔ دانش کنیریا پر دو سے پانچ سال سزا کا امکان ہے۔
مزید خبریں :
آئی سی سی نے نئی ون ڈے پلیئرز رینکنگ جاری کردی
9 گھنٹے پہلے
کیویز سے مقابلے کیلئے پاکستان کرکٹ ٹیم نیوزی لینڈ روانہ
12 مارچ ، 2025
