کھیل
13 نومبر ، 2016
13 نومبر ، 2016 
عمر اکمل نے انتقال کی خبر پر ’بہت اچھا ‘کا کمنٹس لکھ دیا
13 نومبر ، 2016
پاکستانی بیٹسمین عمر اکمل نے سابق آسٹریلین فاسٹ بولر میکس واکر کے انتقال کی خبر پر ٹوئٹر پر ’بہت اچھا ‘کا کمنٹس لکھ دیا، جس کے بعد اُنہیں شدید تنقید کا سامنا کرنا پڑا، غلطی کا احساس ہوتے ہی اُنہوں نے معذرت کرلی۔
سابق آسٹریلین فاسٹ بولر میکس واکر کے انتقال پر پاکستان کرکٹ ٹیم کے سابق کوچ ڈیو واٹمور نے ٹوئٹر پر اظہار افسوس کیا، اس ٹوئٹ پر عمر اکمل نے ’ ویری نائس‘لکھ دیا، بس پھر کیا تھا۔ اُن پر ہر جانب سے تنقید شروع ہوگئی، اُن کے اس ریمارکس پر مختلف قسم کے کمنٹس آنے لگے۔
ساتھی کھلاڑی احمد شہزاد کی توجہ دلانے پر عمر اکمل کو غلطی کا احساس ہوا تو اُنہوں نے ٹوئٹر پر سب سے معذرت کرلی۔
