23 جون ، 2012 
تامل اداکارہ’ تمنا بھاٹیا ‘’ہمت والا‘ کے ریمیک میں بطور ہیروئن منتخب
23 جون ، 2012
ممبئی…این جی ٹی…ماضی کی سپر ہٹ بالی ووڈ فلم "ہمت والا"کے ریمیک کیلئے طویل عرصے سے جاری ہیروئن کی تلاش بلاآخر ختم ہوگئی ہے اور ڈائریکٹرساجد خان نے تامل ہیروئن تمنا بھاٹیا کو سری دیوی کے کردار کیلئے فائنل کردیا ہے۔ذرائع کے مطابق ساجد خان نے اِس فلم کے ریمیک کی ہیروئن کیلئے پہلے کیترینا کیف یا پھرانوشکاشرما کو کاسٹ کرنے کافیصلہ کیا تھا تاہم مصروفیت کی بنا پر دونوں نے ہی معذرت کر لی تھی۔ ان دونوں ہیروئینوں کے انکار سے مایوس ہونے کے بعد ساجد نے اب تیلگواور تامل فلموں کی مشہور اداکارہ تمنا بھاٹیا کو فلم کے ہیرواجے دیوگن کے مدمقابل کاسٹ کر لیا ہے۔ واضح رہے کہ تمنا بھاٹیا کی یہ پہلی ہندی فلم نہیں ہے بلکہ اس سے پہلے بھی وہ ہدایتکار Shabah Shamsi کی فلم "چاند سا روشن چہرہ"میں بطور ہیروئن جلوئہ گر ہو چکی ہیں جو باکس آفس پر خاطر خواں بزنس کرنے میں ناکام رہی تھی۔
مزید خبریں :
