12 دسمبر ، 2016 
بلاول کی دعوت اسلامی کے مرکز فیضان مدینہ آمد
12 دسمبر ، 2016
کامران رضی...چیئرمین پاکستان پیپلز پارٹی بلاول بھٹو زرداری کا کہنا ہے کہ ہمارا دین اسلام امن اخوت کا درس دیتا ہے، عید میلاد النبی کی مبارکباد دینے دعوت اسلامی کے مرکز آیا ہوں۔
پیپلز پارٹی کے چیئرمین بلاول بھٹو زرداری وزیراعلیٰ سندھ مراد علی شاہ کے ہمراہ دعوت اسلامی کے مرکز فیضان مدینہ پہنچ گئے، ان سے فیضان مدینہ میں دعوت اسلامی کے سربراہ مولانا الیاس قادری کے نائب یعقوب عطاری اور دیگر رہنماؤں نے ملاقات کی، اس موقع پر سیکیورٹی کے سخت انتظامات کئے گئے تھے۔
بلاول بھٹو زرداری نے دعوت اسلامی کے رہنماؤں سے ملاقات کی، جبکہ دعوت اسلامی کے رہنماؤں کی جانب سے بلاول کو سبز عمامہ بھی پہنایا گیا۔
اس موقع پر میڈیا سے گفتگو کرتے ہوئے بلاول بھٹو زرداری کا کہنا تھا کہ وزیراعلیٰ سندھ مراد علی شاہ بہت اچھا کام کر رہے ہیں، پورا صوبہ وزیراعلیٰ اور ان کی ٹیم کی تعریف کر رہا ہے،لوگ سمجھتے ہیں کہ وزیراعلیٰ کو موقع ملا تو وہ صوبے کے لیے بہت کام کریں گے۔
