پاکستان
21 دسمبر ، 2016
21 دسمبر ، 2016 
سندھ کے لوگوں کو لاوارث نہیں چھوڑینگے: انیس قائم خانی
21 دسمبر ، 2016
پاک سرزمین پارٹی کے وائس چیئرمین انیس قائم خانی نے کہا ہے کہ کراچی، حیدرآباد اور سندھ کے لوگوں کو لاوارث نہیں چھوڑیں گے، 23 دسمبر کے جلسے میں لاکھوں لوگ آئیں گے۔
انیس قائم خانی نے حیدرآباد میں مارکیٹ ٹاور، اناج منڈی اور دیگر کاروباری مراکز میں تاجروں سے ملاقات کی،انہوں نے تاجروں کو 23 دسمبر کے جلسے میں آنے کی دعوت دی اور پمفلٹ تقسیم کئے۔
’جیونیوز‘ سے گفتگو میں ان کا کہنا تھا کہ حیدرآباد کے تمام لوگ ان کے ساتھ ہیں، 23 دسمبر کے جلسے میں اکثریت حیدرآباد کے لوگوں کی ہوگی اور دیگر شہروں کی نمائندگی ہو گی۔
انیس قائم خانی کا کہنا تھا کہ ’’ہمارا حق، ادھر رکھ‘‘ مہم کا لائحہ عمل 23 تاریخ کو دیں گے۔
