08 فروری ، 2017 
ستر فیصد ریونیو دینے والے کراچی کو نظر اندازکیا گیا: سراج الحق
08 فروری ، 2017
امیر جماعت اسلامی پاکستان سراج الحق نے کہا ہے کہ 70 فیصد ریونیو دینے کے باوجود کراچی کو ہمیشہ نظر اندازکیا گیا، مجھے یقین ہے کہ کراچی کی ترقی کے بغیرپاکستان کی ترقی ممکن نہیں، یہاں امن ہوگا تو ملک میں امن ہوگا۔
کراچی میں ادارہ نورحق میں پریس کانفرنس کرتے ہوئے انہوں نے کراچی کے مسائل کے حل کے لیے اساتذہ، ڈاکٹر اور تاجروں پر مشتمل ایڈوائزی کمیٹی تشکیل دینے کا اعلان کردیا۔
سراج الحق کا کہنا ہے کہ شہر پرشام غریباں بنانے والوں نے اختیارات کے باجود شہر کیلئے کچھ نہیں کیا،نادرا نے بھی شہریوں کو پریشان کررکھا ہے۔
امیر جماعت اسلامی نے وزیر اعلیٰ کی جانب سے محکمہ تعلیم میں نوکریوں کے اعلان کا خیر مقدم کرتے ہوئے کہا کہ یہ نوکریاں صرف میریٹ پر دی جائیں۔
پاناما کیس کا ذکر کرتے ہوئے سراج الحق کا کہنا تھا کہ قیادت کرپٹ ہو تو کرپشن کا ناسور پورے معاشرے میں پھیل جاتا ہےاورہمارے وزیر اعظم نے خود تسلیم کیا پاناما میں ان کے خاندان کا نام ہے۔
