سلامتی کونسل نے شمالی کوریا کی جانب سے بیلسٹک میزائل تجربے کی شدید مذمت کرتے ہوئے اسے اقوام متحدہ کی قراردادوں کی خلاف ورزی قرار دیا ہے ۔

سلامتی کونسل کا ہنگامی اجلاس امریکا ، چین اور جاپان کی درخواست پر طلب کیا گیا تھا ۔

اجلاس میں شمالی کوریا کے میزائل تجربات پر تشویش کا اظہار کرتے ہوئے اس کی سختی سے مذمت کی گئی ۔

امریکی مندوب، نیکی ہیلی کا کہنا تھا کہ کونسل تمام ممکنہ وسائل استعمال کرتے ہوئے شمالی کوریا پر یہ واضح کرے کہ اس قسم کے تجربات ناقابل قبول ہیں اور اسے نتائج کا سامنا کرنا ہوگا ۔