جرمنی کے شہر میونخ میں سیکورٹی کانفرنس کے موقع پرامریکا کے ہوم لینڈ سیکورٹی کے سربراہ جان کیلی کا کہنا تھا کہ نئی امیگریشن پالیسی احتیاط سے اور بہتر انداز میں تیار کی جارہی ہے تاکہ اس کے نتیجے میں دوبارہ کسی قسم کی افراتفری پیدا نہ ہو ۔

تاہم ان کا کہنا تھا کہ نئی پالیسی میں گرین کارڈ کے حامل افراد کے امریکا میں داخلے پر کوئی پابندی نہیں ہوگی ۔

اسپین کے شہر بارسلونا میں تارکین وطن کے حق میں ریلی نکالی گئی، جس میں بڑی تعداد میں لوگوں نے شرکت کی۔ ریلی میں شریک افراد نے پلے کارڈز اور بینرز اٹھارکھے تھے جن پر تارکین وطن افراد کو پناہ دینے کے حق میں نعرے درج تھے ۔