دنیا
21 دسمبر ، 2011
21 دسمبر ، 2011 
بھارت میں سردی اور دھند سے75افراد ہلاک
21 دسمبر ، 2011
نئی دہلی … بھارت کی شمالی اور مشرقی ریاستوں میں شدید سردی اور دھند کی وجہ سے مزید 22 افراد ہلاک ہوگئے جس کے بعد مرنے والوں کی مجموعی تعداد 75 تک پہنچ گئی ہے۔ بھارتی ریاست اتر پردیش ، بہار اور جھاڑ کھنڈ سمیت دیگر علاقے کئی روز سے شدید سردی کی لپیٹ میں ہیں اور نظام زندگی بری طرح متاثر ہورہا ہے۔ بہار اور اتر پردیش کے شہر غازی آباد میں تمام سرکاری اور نجی اسکول 25 دسمبر تک بند کردیئے گئے ہیں۔ دھند کی وجہ سے نہ صرف ٹرینوں کی آمدو رفت میں تاخیر ہورہی ہے بلکہ 75 پروازیں بھی متاثر ہوچکی ہیں۔ حکام کے مطابق دھند کی وجہ سے ہونے والے حادثات اور سردی سے اترپردیش میں 15 اور بہار میں 7 افراد ہلاک ہوئے جس کے بعد مرنے والوں کی مجموعی تعداد 75 ہوگئی ہے۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
