ممبئی…این جی ٹی…من موہنی صورت کی حامل بالی ووڈ باربی ڈول کترینہ کیف کا ستارہ آج کل شہرت کی بلندیوں پر ہے اور بالی ووڈ کے ساتھ ساتھ دنیا بھر میں ان کی شخصیت کے سحر نے ہر کسی کو جکڑا ہوا ہے۔تازہ ترین اطلاعات کے مطابق اپنی کشش سے لوگوں کو دیوانہ بنانے کی صلاحیت رکھنے والی کترینہ کیف کو مشہور لائف اسٹائل میگزینFHMکے تحت کروائے گئے ایک پول میں2012کی سب سے پُرکشش خاتون قرار دیا گیا ہے۔آن لائن پول اور ایس ایم ایس کے ذریعے ہونے والی اس ووٹنگ کے مطابق کترینہ نے پریانکا چوپڑا، فریدہ پنٹواور دپیکا پڈکون کو پیچھے چھوڑتے ہوئے چوتھی بار ُپرکشش ترین خاتون کا اعزاز اپنے نام کیا۔دنیا کے سب سے بڑے Men'sلائف اسٹائل میگزین کے پول میں 2012کی پُرکشش ترین خاتون قرار دی گئیں کترینہ اس سے قبل 2008،2009اور2011میں بھی یہ اعزاز حاصل کرچکی ہیں۔واضح رہے کہFHMمیگزین کے پچھلے28 ایڈیشنز کے لیے کروائے گئے پولز میں یہ پہلی مرتبہ ہے جب کوئی خاتون تین سے زائد بار پُرکشش ترین خاتون کا اعزاز جیتنے میں کامیاب ہوگئی ہیں۔واضح رہے کہ سابقہ ملکہِ حسن ایشوریا رائے بچن بیٹی آرادھیہ کی پیدائش کے بعد موٹاپے کے باعث پہلی بار اس لسٹ میں ٹاپ ٹین کا حصہ نہیں رہیں۔