کھیل
02 جولائی ، 2017
02 جولائی ، 2017 
پاکستان نے ایشین سکس ریڈ بال اسنوکر چیمپئن شپ جیت لی
02 جولائی ، 2017
پاکستان کے محمد سجاد نے ایشین سکس ریڈ بال اسنوکر چیمپئن شپ کا ٹائٹل جیت لیا۔
فائنل میں محمد سجاد نے ہانگ کانگ کے لی چن وائی کو شکست دی ۔ محمد سجاد کی کامیابی کا اسکور7 صفر رہا۔
اس سے قبل محمد سجاد نے اپنے ہم وطن محمد بلال کو شکست دے کر ایشین سکس ریڈ بال اسنوکر چیمپئن شپ کے فائنل کے لیے کوالیفائی کیا تھا۔
فائنل سے قبل محمد سجاد کا ایک ویڈیو پیغام سامنے آیا تھا جس میں ان کا کہنا تھا کہ وہ ایشین سکس ریڈ اسنوکر ایونٹ کا ٹائٹل جیت کر کامیابی اپنی مرحومہ اہلیہ کے نام کرنا چاہتے ہیں جن کا دو ماہ پہلے روڈ ایکسڈنٹ میں انتقال ہوگیا تھا۔
