پاکستان
08 جولائی ، 2017

برہان وانی کی شہادت نے جدوجہد آزادی میں نئی روح پھونک دی، وزیر اعظم نواز شریف

برہان وانی کی شہادت نے جدوجہد آزادی میں نئی روح پھونک دی، وزیر اعظم نواز شریف

وزیر اعظم نواز شریف نے کہا ہے کہ بھارت وحشیانہ طاقت کے ذریعے کشمیریوں کی حق خودارادیت کی آواز کو نہیں دبا سکتا اور برہان وانی کی شہادت نے جدوجہد آزادی میں نئی روح پھونک دی ہے۔

وزیر اعظم نواز شریف نے کشمیری حریت  کمانڈر  مظفر وانی کی پہلی برسی کے موقع پر اپنے پیغام میں کہا کہ برہان وانی نے اپنی جان کی قربانی دے کر جدوجہد آزاد ی میں ایک نئی روح پھونک دی ہے اور  کشمیری عوام اپنی جدوجہد کو منطقی انجام تک پہنچانے کیلئے ثابت قدم ہیں۔

یہ بھی پڑھیں: برہان وانی و دیگر کی قربانیاں کشمیریوں کے عزم کا مظہر: آرمی چیف

ان کا کہنا تھا کہ برہان وانی کی شہادت اس حقیقت کا ثبوت ہے کہ کشمیریوں نے مکمل طور پر بھارتی قبضے کو مسترد کردیا ہے اور  بھارت وحشیانہ طاقت کے ذریعے کشمیریوں کی حق خودارادیت کی آواز کو نہیں دبا سکتا۔

وزیر اعظم نے کہا پاکستان اور کشمیریوں کا دل ایک ساتھ دھڑکتا ہے اور مقبوضہ کشمیر کے عوام کا پاکستانی ٹیم کی فتح پرجشن ریفرنڈم کادرجہ رکھتا ہے۔

انہوں نے کہاکہ  اقوام متحدہ کی قراردادوں کےساتھ امتیازی سلوک کا سلسلہ بند کیا جائے اور اگر امتیازی سلوک بندنہ کیا گیا تواقوام متحدہ کی ساکھ پرمنفی اثرپڑےگا۔

مزید خبریں :