08 اکتوبر ، 2017 
ترکی کے معمولی آئس کریم فروش نے عامر خان کو گھما کر رکھ دیا
08 اکتوبر ، 2017
بالی وڈ کے سپر اسٹار عامر خان کو ترکی کے معمولی آئسکریم فروش نے چکرا کر رکھ دیا۔
عامرخان ترک وزارت سیاحت و ثقافت کی دعوت پر دو روزہ دورے پر ترکی میں موجود تھے جہاں انہوں نے مختلف ثقافتی تقریبات اور کئی پروگرامز میں شرکت کی۔
مسٹر پرفیکشنسٹ نے اپنے دورے کے دوران ترک صدر رجب طیب اردوان سے ملاقات بھی کی اور کئی تاریخی مقامات کی سیر بھی کی۔
عامر خان ترکی کی مشہور فوڈ اسٹریٹ بھی پہنچے جہاں انہوں نے ایک آئسکریم فروش سے آئسکریم مانگی تو دکاندار نے انہیں گھما کر رکھ دیا۔
آئس کریم فروش عامر خان کو آئس کریم دینے کی بجائے ان کے ہاتھ سے آگے پیچھے گھماتا رہا جب کہ متعدد بار عامر خان نے آئس کریم پکڑنے کی کوشش کی لیکن وہ اس میں ناکام رہے۔
مسٹر پرفیکشنسٹ نے بھی ہار مانتے ہوئے کھڑے ہوگئے جس پر خود ہی آئس کریم فروش نے انہیں آئس کریم پیش کی۔
عامر خان نے بھی اس واقعے کی ویڈیو سماجی رابطے کی سائٹ ٹوئٹر پر پوسٹ کرتے ہوئے لکھا ہے کہ 'صبر کا پھل میٹھا ہوتا ہے'۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
