31 اکتوبر ، 2017 
فلم ’پدماوتی‘ پر ریلیز سے پہلے ہی قینچی چل گئی
31 اکتوبر ، 2017
معروف ہدایت کار سنجے لیلا بھنسالی نے فلم ’پدماوتی‘ پر ریلیز سے پہلے خود ہی قینچی چلادی۔
دپیکا پڈوکون، رنویر سنگھ اور شاہد کپور کی فلم ریلیز سے پہلے ہی مقبولیت کی انتہا کو پہنچ چکی ہے اور فلم کے ٹریلر کو اب تک یوٹیوب سمیت سوشل میڈیا پر 5 کروڑ سے زائد بار دیکھا جاچکا ہے۔
فلم کو ریلیز سے پہلے ہی انتہاپسندوں کی جانب سے مشکلات کا سامنا ہے اور قرنی سینا نے فلم کے ہدایت کار پر تاریخی حقائق کو مسخ کرکے پیش کرنے کا الزام عائد کیا ہے لیکن اب اس سب میں سنجے لیلا بھنسالی نے خود ہی فلم پر قینچی چلادی ہے۔
بھارتی میڈیا رپورٹس کے مطابق ’پدماوتی‘ کی شوٹنگ ختم ہوچکی ہے اور فلم 210 منٹ میں مکمل ہوئی ہے۔
فلم کا دورانیہ 3 گھنٹے 30 منٹ بنتا ہے جو کہ طویل ہے لہٰذا فلم کے ہدایت کار سنجے لیلا بھنسالی نے فلم کے دورانئے کو کم کرنے کا فیصلہ کیا ہے جس کے بعد اب انہوں نے فلم کے کئی حصوں کو ہٹا دیا ہے۔
فلم میں رنویر سنگھ اور شاہد کپور کے کردار ہدایت کار کے لیے مسئلہ بن گئے ہیں، یہی وجہ ہے کہ سنجے لیلا فلم کے کئی حصے علیحدہ کرتے ہوئے دونوں کے کرداروں کو چھیڑنے کا رسک نہیں لے سکتے ہیں لیکن اس کے باوجود انہوں نے کئی حصے فلم سے علیحدہ کردیئے ہیں۔
ہدایت کار سنجے لیلا بھنسالی کی فلم یکم دسمبر کو نمائش کے لیے پیش کی جائے گی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
