08 نومبر ، 2017 
ترکی کے آئسکریم فروش نے ماہرہ کو گھما کر رکھ دیا
08 نومبر ، 2017
گذشتہ ماہ عامر خان کی ترکی میں آئسکریم خریدنے کی ایک ویڈیو سوشل میڈیا پر وائرل ہوئی تھی اور اب لالی وڈ کی خوبرو اداکارہ ماہرہ خان کو بھی ترکی کے ایک آئسکریم فروش نے چکرا کر رکھ دیا۔
ماہرہ خان کی آئسکریم خریداری کی یہ ویڈیو بھی سوشل میڈیا پر وائرل ہورہی ہے۔
انسٹاگرام پر شیئر کی گئی ویڈیو میں دیکھا جاسکتا ہے کہ ماہرہ ترکی کے ایک بازار میں موجود ہیں جہاں وہ آئسکریم خریدنے کی کوشش کر رہی ہیں۔
دکاندار ماہرہ کو آئسکریم دینے کے بجائے ان کے ہاتھ سے آگے پیچھے گھماتا رہا، ماہرہ نے متعدد بار آئسکریم پکڑنے کی کوشش کی لیکن وہ اس میں ناکام رہیں۔
ماہرہ کے ساتھ لالی وڈ اداکار شہریار منور بھی ترکی میں موجود تھے جو خود بھی آئسکریم فروش کے ہاتھوں چکرا کر رہ گئے۔
ماہرہ خان اس وقت اپنی آنے والی نئی فلم ورنہ کی تشہیر کے لئے مصروف ہیں جو 17 نومبر کو ریلیز ہوگی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
