نوری آباد: مسافر وین اور ٹرک میں تصادم، 8 افراد جاں بحق

نوری آباد: صوبہ سندھ کے ضلع جامشورو کے علاقے نوری آباد میں ایک مسافر وین اور ٹرک میں تصادم کے نتیجے میں 8 افراد جاں بحق ہوگئے۔

ریسکیو ذرائع کے مطابق جاں بحق ہونے والوں میں 4 خواتین بھی شامل ہیں۔

ریسکیو ذرائع کے مطابق لاشوں اور زخمیوں کو جامشورو اسپتال منتقل کردیا گیا۔

ذرائع کے مطابق حادثے کا شکار ہونے والی مسافر وین کراچی سے نوشہرو فیروز جارہی تھی۔ 

خیرپور: کوئلے سے بھرا ٹرک مسافر وین پر الٹ گیا، 20 افراد جاں بحق

شاہ حسین بائی پاس پر پیش آنے والے اس حادثے میں 2 افراد زخمی بھی ہوئے، پولیس

پاکستان میں ہر سال ٹریفک حادثات کے نتیجے میں سیکڑوں افراد موت کے منہ میں چلے جاتے ہیں، جن کی وجوہات میں خراب سڑکیں، ٹوٹی پھوٹی گاڑیاں، تیز رفتاری اور ڈرائیونگ کے قوانین سے لاعلمی شامل ہیں۔

اس سے قبل 20 نومبر کو بھی سندھ کے شہر خیرپور میں شاہ حسین بائی پاس پر کوئلے سے بھرا ٹرک، مسافر وین پر الٹنے کے نتیجے میں 20 افراد جاں بحق اور 2 زخمی ہوگئے تھے۔