دنیا
17 جولائی ، 2012
17 جولائی ، 2012 
ٹوکیو: ایٹمی بجلی گھر دوبارہ کھولنے کیخلاف دو لاکھ افراد کااحتجاجی مظاہرہ
17 جولائی ، 2012
ٹوکیو … جاپان کے دارالحکومت ٹوکیو میں تقریباً دو لاکھ افراد نے ایٹمی بجلی گھر دوبارہ کھولنے کے خلاف زبردست احتجاجی مظاہرہ کیا ہے، جسے رواں عشرے کا سب سے بڑا احتجاجی مظاہرہ قرار دیا گیا ہے۔ ذرائع ابلاغ کے مطابق پچھلے سال فوکو شیما ایٹمی بجلی گھر کے حادثے کے بعد تمام ایٹمی بجلی گھروں کو بند کر دیا گیا تھا تاہم توانائی کے وسائل کی قلت کے بعد حکومت نے اس ایٹمی بجلی گھر کو ضروری تعمیر و مرمت کے بعد دوبارہ کھولنے کا فیصلہ کیا تھا عوام نے حکومت کے اس فیصلے کی زبردست مخالفت کی ہے۔ مظاہرے کے شرکاء نے حکومت سے ایٹمی توانائی کے بجائے توانائی کے دیگر ذرائع تلاش کرنے کا مطالبہ کیا جبکہ حکومت تمام ایٹمی بجلی گھروں کو دوبارہ فعال بنانے کیلئے پرعزم ہے۔
