کروڑوں کے نقصان نے کپل شرما کو مریض بنادیا

بھارتی کامیڈین کپل شرما کو 30 کروڑ کے جھٹکے نے دوبارہ ڈپریشن میں مبتلا کردیا۔

کپل شرما نے مشور کامیڈی شو’ دی کپل شرما شو‘ کو فلم ’فرنگی‘ کی شوٹنگ اور گرتی ہوئی ٹی آر پی ریٹنگ کے باعث بند کردیا تھا۔

شو کے بند ہونے کے بعد کپل شرما نے اپنی آنے والی فلم ’فرنگی‘ سے امیدیں باندھ لیں تھیں لیکن فلم کی باکس آفس پر ناکامی نے ساری امیدوں پر پانی پھیر دیا ہے۔

شو بند ہونے کے باوجود کپل شرما کا رویہ تبدیل نہ ہوا

کپل نے اکشے کمارکو طویل انتظار کرایا اور پھر شوٹنگ کے لیے سیٹ پر بھی نہیں پہنچے

کپل شرما نے فلم ’فرنگی‘ میں مرکزی کردار بھی کیا ہے اور اس کے پروڈیوسر بھی ہیں جب کہ انہوں نے فلم پر 40 کروڑ کی سرمایہ کاری کی ہے۔

فلم یکم دسمبر کو نمائش کے لیے پیش کی گئی تھی جو باکس آفس پر صرف 10 کروڑ کا بزنس کرسکی ہے جس کے بعد کپل کو 30 کروڑ کا جھٹکا لگ چکا ہے۔

بھارتی میڈیا کے مطابق کپل شرما نے فلم کے اسپانسرز کو فلم کی کامیابی کا یقین دلایا تھا لیکن اس کی ناکامی اور کروڑوں کے جھٹکے نے ایک بار پھر کپل کو ڈپریشن کا مریض بنا دیا ہے۔

ایک بڑے بھارتی ٹی وی چینل نے کپل شرما کو اپنے ٹی وی پروگرام میں مدعو کیا تھا جس کے لیے انہوں نے پروموز بھی بنوادیے تھے لیکن عین وقت پر کپل نے ڈپریشن کے باعث پروگرام میں شرکت سے انکار کردیا جس پر ٹی وی چینل کو بھی حاضرین و ناظرین سے معافی مانگنی پڑی ہے۔

کپل شرما کی طبعیت پھر ناساز، انیل اور ارجن کپور کو بغیر شوٹ کے جانا پڑا

بھارتی کامیڈین کپل شرما کی طبعیت ایک بار پھر ناساز ہوگئی جس کے باعث شو میں شوٹنگ کے لیے آئے ہوئے اداکار انیل...

میڈیا رپورٹس کے مطابق کپل شرما شدید ڈپریشن کا شکار ہیں اور لوگوں سے ملنے سے بھی کترانے لگے ہیں جس کے بعد ان کے فیملی اور معالج انہیں اس حالت سے باہر لانے کے لیے سرگرم ہیں۔

یاد رہے کہ ’دی کپل شرما شو‘ کی گرتی ٹی آر پی ریٹنگ کے باعث کپل  کو ڈپریشن کا مرض لاحق ہوگیا تھا اور اسی وجہ سے کئی سپر اسٹارز اپنی فلموں کی تشہیر کیے بغیر شو کے سیٹ سے واپس جاچکے ہیں جن میں شاہ رخ خان، انیل کپور اور ارجن کپور شامل ہیں۔