تصاویر: زینب سے زیادتی و قتل کے واقعے کے بعد ملک بھر میں مظاہرے

قصور میں سات سالہ بچی زینب سے زیادتی کے بعد قتل کی لرزہ خیز واردات کے بعد ملک بھر میں مظاہروں اور احتجاج کا سلسلہ جاری ہے۔

واقعے کی پاکستان سمیت دنیا بھر میں شدید مذمت کی جارہی ہے جبکہ پنجاب پولیس کی جانب سے ملزمان کی تلاش جاری ہے۔

وزیراعلیٰ پنجاب نے زینب کے قتل میں ملوث ملزم کی نشاندہی پر ایک کروڑ روپے انعام کا اعلان کیا ہے۔

جیونیوز سے گفتگو کرتے ہوئے زینب کے والد محمد امین نے کہا کہ ابھی تک سی سی ٹی وی فوٹیج سے وہ شخص سمجھ نہیں آیا لیکن جب اگلے دن کیمرے سے پتا چل گیا تھا تو بہتر ٹیکنالوجی کی مدد سے تصویر کو ٹھیک کیا جاسکتا تھا۔