14 جنوری ، 2018 
حکومت کا انتخابات سے قبل پی آئی اے کو فروخت کرنے کا منصوبہ
14 جنوری ، 2018
اسلام آباد: وفاقی حکومت نے عام انتخابات سے قبل پاکستان انٹرنیشنل ایئرلائن (پی آئی اے) کو فروخت کرنے کا منصوبہ بنالیا۔
وزیر برائے نجکاری دانیال عزیز نے غیر ملکی میڈیا کو انٹرویو دیتے ہوئے کہا کہ حکومت نے پی آئی اے کو فروخت کرنے کا منصوبہ تیار کرلیا ہے جسے کابینہ کے اجلاس میں پیش کیا جائے گا۔
دانیال عزیز نے کہا کہ پی آئی اے فروخت کرنےکا منصوبہ اگلے ہفتےکابینہ کمیٹی میں پیش کیےجانےکا امکان ہے جبکہ عام انتخابات سے پہلے پی آئی اے کی فروخت کی کوشش کریں گے۔
ان کا کہنا تھا کہ منصوبے کے تحت ایئرلائن کو پی آئی اے کے دیگر شعبوں بشمول ہوٹلز، کیٹرنگ اور مینٹینینس سے الگ کرنے پر توجہ دی جائے گی۔
بعدازاں مرکزی ایئرلائن کو فروخت کردیا جائے گا۔
دانیال عزیز کے مطابق پاکستان اسٹیل ملز کو خریدنے میں بھی دلچسپی ظاہر کی جارہی ہے۔
ایک سوال پر کہ اگر کوئی خریدار آگیا تو کب تک پی آئی اے اس کے حوالے کر سکیں گے؟
اس پر دانیال عزیز نے جواب دیا کہ کل صبح، اگر آپ کے پاس پیسا ہے تو آئیں اور خرید لیں۔
ایک انگریزی اخبار کی رپورٹ میں نام لیے بغیر ایک آفیشل کا حوالہ دیتے ہوئے بتایا گیا کہ ماضی میں امارات اور اتحاد ایئرلائن پی آئی اے کو خریدنے میں دلچسپی ظاہر کرچکے ہیں تاہم 2016 میں حکومت نجکاری سے پیچھے ہٹ گئی۔
مزید خبریں :
نیپرا نے کراچی والوں کیلئے بجلی مزید مہنگی کردی
2 گھنٹے پہلے
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
سونے کی فی تولہ قیمت میں مسلسل تیسرے روز بھی کمی ہوگئی
02 نومبر ، 2024
ٹیکس اہداف میں ناکامی: آئی ایم ایف نے منی بجٹ کا مطالبہ کردیا
02 نومبر ، 2024
پاکستان میں مہنگائی 4 سال کی کم ترین سطح پر
02 نومبر ، 2024
