کپل شرما کو کیریئر بچانے کے لالے پڑگئے

کامیڈین کپل شرما ’دی کپل شرما شو‘ بند ہونے کے بعد کیریئر کو بچانے کے لیے گیم شو لانے کی کوششوں میں جت گئے۔ 

کپل شرما گزشتہ سال کے اوائل میں ساتھی اداکاروں سے دوران پرواز لڑائی کے بعد سے ہی تنازعات کا شکار ہیں اور اسی لڑائی کے بعد سنیل گروور، علی اصغر سمیت کئی اداکاروں نے شو کو خیر باد کہہ دیا تھا۔

سنیل گروور اور علی اصغر کے شو کو چھوڑنے کے بعد سے ہی مشہور شو ’دی کپل شرما شو‘ کی ریٹنگ گر گئی تھی اور چینل انتظامیہ کو شو بند کرنا پڑا۔

کپل شرما کے بجائے سنیل گروور بالی وڈ اسٹارز کی ترجیح بن گئے

سنیل گروور نے کپل شرما سے لڑائی کے بعد احتجاجاً شو کو خیرباد کہہ دیا تھا جس کے بعد شو بھی بند ہوگیا تھا۔

اس کے برعکس شو کو خیرباد کہنے کے باوجود سنیل گروور کی اہمیت کم نہیں ہوئی ہے اور سلمان خان اور اکشے کمار نے اپنی فلموں کی تشہیر کے لیے ان کے ساتھ خصوصی شو کیے ہیں۔

کپل شرما بھی ٹی وی پر واپسی چاہتے ہیں جس کے لیے انہوں نے اپنے کامیڈی شو کی بجائے گیم شو لانے کی منصوبہ بندی کی ہے۔

انڈین میڈیا کے مطابق کپل نے سونی ٹی وی انتظامیہ کو بھی گیم شو لانے کے لیے منانے کی کوششیں شروع کردی ہیں لیکن تاحال چینل انتظامیہ نے کسی قسم کا کوئی جواب نہیں دیا ہے۔

کروڑوں کے نقصان نے کپل شرما کو مریض بنادیا

کپل شرما اپنی فلم ’فرنگی‘ کی ناکامی کے بعد ڈپریشن میں مبتلا ہوگئے، بھارتی میڈیا رپورٹس

یاد رہے کہ سونی ٹی وی نے کپل شرما کے شو کی جگہ سلمان خان کا شو ’دس کا دم‘ لانے کی تیاریاں شروع کردی ہیں۔ 

واضح رہے کہ کپل شرما کی فلم ’فرنگی‘ بھی باکس آفس پر بری طرح ناکام ہوگئی تھی۔