Can't connect right now! retry
Advertisement

دنیا
11 فروری ، 2018

خواتین کو عوامی مقامات پر عبایہ پہنے کی ضرورت نہیں، سعودی عالم

سعودی عرب کے سینیئر فقہا کی کونسل کے ايک رکن شیخ عبداللہ المطلق نے کہا ہے کہ مملکت میں خواتین کو عوامی مقامات پر عبایہ پہنے کی ضرورت نہیں ہے، ان کے لیے ایسا لباس زیب تن کرلینا کافی ہے جو مناسب اور اسلامی اصولوں کے مطابق ہو۔

ہفتہ وار دینی ٹی وی شو کے دوران گفتگو کرتے ہوئے شیخ عبداللہ المطلق نے کہا کہ خواتین مناسب لباس زیب تن کریں تو انہیں عبایہ پہننے کی ضرورت نہیں۔

خیال رہے کہ سعودی عرب میں اس وقت قانون کے مطابق عوامی مقامات پر خواتین کے لیے عبایہ پہننا لازمی ہے۔

سعودی عالم کا بیان ایک ایسے وقت میں آیا ہے جب سعودی عرب میں خواتین سے متعلق قوانین میں نرمی کا سلسلہ جاری ہے۔

عبداللہ المطلق نے مزید کہا کہ مسلم دنیا کی 90 فیصد سے زائد خواتین عبایہ نہیں پہنتیں لہٰذا ہمیں خواتین پر عبایہ پہنے کے لیے زبردستی نہیں کرنی چاہیے۔

سعودی عالم کے اس بیان پر سماجی رابطوں کی ویب سائٹ پر ملا جلا رد عمل دیکھنے میں آرہا ہے، بعض لوگوں نے عبداللہ المطلق کی باتوں سے اتفاق کیا ہے جبکہ بعض لوگوں نے ان کی مخالفت کی ہے۔

ٹوئٹر پر ایک صارف نے لکھا کہ ’’ہمارے خطے کے ایک حصے میں عبایہ ثقافت کا حصہ ہے اور اب یہ سب پر لازم ہوگیا ہے، یہ مذہب کا معاملہ نہیں‘‘۔

ایک خاتون صارف نے عبداللہ المطلق کی بات سے عدم اتفاق کرتے ہوئے لکھا کہ ’’اس معاملے پر اگر سیکڑوں فتوے آجائیں تو بھی میں عبایہ نہیں چھوڑ سکتی، میرے مرنے کے بعد ہی یہ مجھ سے جدا ہوسکتا ہے، خواتیں برائے مہربانی ان کی باتیں نہ سنیں‘‘۔

Advertisement

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM