رنویر سنگھ نے 2 کروڑ روپے کی پیشکش کیوں ٹھکرائی؟

بالی وڈ اداکار رنویر سنگھ نے ایک شادی میں صرف 30 منٹ کی شرکت کے  لیے  2 کروڑ کی پیشکش ٹھکرا دی۔

رنویر بھی لیجنڈری عامر خان کے نقش قدم پر چل رہے ہیں اور فلم میں اپنے کسی بھی کردار پر کوئی سمجھوتہ نہیں کر رہے ہیں۔

اگر عامر خان نے فلم ’دنگل‘ میں پہلے وزن بڑھا اور پھر کمی کی تو رنبیر نے بھی اپنی فلم ’گلی بوائے‘ میں عام سے لڑکے کے کردار کے لیے اپنے وزن میں کمی بھی کی۔

’پدماوت‘ کی کامیابی کے بعد رنویر نے اپنا معاوضہ بڑھا دیا

رنویر سنگھ نے فلم ’پدماوت‘ میں علاؤ الدین خلجی کا کردار کیا اور جاندار اداکاری کا مظاہر کیا۔

بھارتی میڈیا رپورٹس کے مطابق رنویر سنگھ کو ایک شادی کی تقریب میں 30 منٹ شرکت کے لیے 2 کروڑ کی پیشکش کی گئی تھی جسے انہوں نے ٹھکرا دیا۔

رنویر کے قریبی ذرائع کا کہنا ہے کہ اتنی بڑی رقم ٹھکرانے کی وجہ فلم ’گلی بوائے‘ ہے کیوں کہ رنویر اس کردار سے انصاف کرنا چاہتے ہیں اور اس پر مکمل توجہ چاہتے ہیں اور یہی وجہ آفر رد کرنے کا باعث بنی ہے۔

یاد رہے کہ ہدایتکارہ زویا اختر کی فلم ’گلی بوائے‘ میں رنویر سنگھ کے مدمقابل عالیہ بھٹ مرکزی کردار کر رہی ہیں اور یہ فلم اگلے برس نمائش کے لیے پیش کی جائے گی۔