مشکلات کے باوجود بھی فلم ’ٹھگز آف ہندوستان‘ کی شوٹنگ جاری

بالی وڈ کے مسٹر پرفیکشنسٹ عامر خان اور امیتابھ بچن کی آنے والی فلم ’ٹھگز آف ہندوستان‘کو کئی حوالوں سے مشکلات کا سامنا ہے لیکن اس کے باوجود بھی فلم کی شوٹنگ جاری ہے۔

دکن کرونیکل کی ایک رپورٹ کے مطابق امیتابھ بچن ابھی تک پوری طرح صحت یاب نہیں لیکن پھر بھی انہوں نے فلم کے سیٹ پر واپسی کرلی ہے۔

واضح رہے کہ 3 دن قبل امیتابھ بچن کو طبیعت خراب ہونے کے باعث اسپتال میں داخل کروایا گیا تھا۔

عامر خان نے فلم ’’ٹھگ آف ہندوستان‘‘ کے لیے بڑی ڈیل کرلی  

بالی ووڈ سپر اسٹار اپنی نئی فلم کے مجموعی منافع سے 70 فیصد حصہ لیں گے

دوسری جانب شوٹنگ کے دوران فلم کے ایک کیمرا مین جمی جِب بھی زخمی ہوگئے جنہیں فوری طور پر اسپتال لے جایا گیا جب کہ فلم کے کچھ ٹیم ممبرز کی بھی طبیعت خراب ہے۔

اس سب کے باوجود ٹیم نے فلم کا شیڈول مد نظر رکھتے ہوئے اسے مکمل کرنے کی ٹھان رکھی ہے، کیونکہ ’ٹھگز آف ہندوستان‘ کی شوٹنگ کے اختتام پذیر ہونے میں صرف 10 دن باقی ہیں۔

’ٹھگ آف ہندوستان‘ نے تینوں خانز کو ملا دیا

شاہ رخ خان اور سلمان خان نے عامر خان کی فلم ’ٹھگ آف ہندوستان‘ میں بطور مہمان اداکار کام کرنے کی حامی بھر لی ہے، میڈیا رپورٹس

فلم ’ٹھگز آف ہندوستان‘ 130 کروڑ روپے کے بجٹ سے بنائی جا رہی ہے جو رواں برس 7 نومبر کو دیوالی کے موقع پر ریلیز ہوگی۔

اس فلم میں پہلی مرتبہ بالی وڈ کے تینوں خانز کو ایک ساتھ دیکھا جاسکے گا، جبکہ اداکارہ کترینہ کیف اور فاطمہ ثنا شیخ بھی فلم کی کاسٹ میں شامل ہیں۔