22 جولائی ، 2012 
جنوبی پنجاب صوبہ بننے سے کوئی نہیں روک سکتا، ڈاکٹر فاروق ستار
22 جولائی ، 2012
ملتان … متحدہ قومی مومنٹ کے ڈپٹی کنوینر ڈاکٹر فاروق ستا ر نے کہا ہے کہ جنوبی پنجاب صوبے کو بننے سے اب کو ئی نہیں روک سکتا۔ ملتان کے علاقے ممتاز آباد میں جلسے سے خطاب کرتے ہو ئے انہوں نے کہا کہ جنوبی پنجاب صوبہ بنانے کی قرارداد سب سے پہلے ایم کیو ایم نے قومی اسمبلی میں جمع کرا ئی اور اب جنوبی پنجا ب صوبہ بنانے کیلئے ایم کیو ایم ہر ممکن کوشش کرے گی۔ انہوں نے مزید کہا کہ جعلی زرعی ادویات، نا قص بیج اور مہنگی کھاد نے کاشتکاروں اور کسا نوں کی کمر توڑ کر رکھ دی ہے، ایم کیو ایم اقتدار میں آکر عوام کو ان مسا ئل سے نجا ت دلا ئے گی۔ اس سے قبل جہانیاں میں کاشتکاروں اور کسانوں کے جلسہ عام سے خطاب کرتے ہوئے ڈاکٹر فاروق ستار نے کہا کہ عوام کو ظالم حکمرانوں سے بچانا ہے۔ انہوں نے کہا کہ پنجاب میں چند سازشی عناصر ایم کیو ایم کی مقبولیت سے خائف ہیں مگر آئندہ انتخابات میں ایم کیوایم پنجاب میں بھر پور طریقے سے حصہ لے گی۔
