07 اپریل ، 2018 
کراچی پورٹ ٹرسٹ میں شیرہ ذخیرہ کرنے والے ٹینک میں دھماکا، 2 افراد جاں بحق
07 اپریل ، 2018
کراچی پورٹ ٹرسٹ میں شیرہ ذخیرہ کرنے والے ٹینک میں دھماکے سے 2 افراد جاں بحق اور 6 زخمی ہو گئے۔
پولیس حکام کے مطابق دھماکا کراچی پورٹ ٹرسٹ میں واقع شیرہ ذخیرہ کرنے والے ٹینک میں ہوا۔
دھماکے میں جاں بحق ہونے والے شخص کی شناخت کشور کے نام سے ہوئی ہے۔
دھماکے میں زخمی ہونے والے افراد کو سول اسپتال کے برنس وارڈ منتقل کر دیا گیا ہے جہاں انہیں طبی امداد دی جا رہی ہے۔
پولیس حکام کا کہنا ہے کہ دھماکے کے باعث ٹینک میں موجود 6 ہزار ٹن شیرہ اطراف کی سڑکوں پر پھیل گیا جسے صاف کیا جا رہا ہے۔
پولیس حکام کا کہنا ہے کہ دھماکے کی نوعیت کا پتہ چلانے کے لیے تحقیقات کا آغاز کر دیا گیا ہے تاہم ایسا معلوم ہوتا ہے کہ دھماکا اسٹوریج ٹینک میں حادثاتی طور پر گیس بھرنے کے باعث ہوا۔
