10 اپریل ، 2018 
پاکستان کا انکار، بھارت ایشیا کپ کی میزبانی سے محروم ہو گیا
10 اپریل ، 2018
پاکستان کے بھارت میں جا کر کھیلنے سے انکار کے بعد ایشیا کپ کی میزبانی متحدہ عرب امارات کو دے گئی ہے۔
ایشین کرکٹ کونسل کا سالانہ اجلاس ملائیشیا کے شہر کولاالمپور میں ہوا جس کی صدارت کونسل کے چیئرمین نجم سیٹھی نے کی۔
اجلاس میں ایشیا کپ کی میزبانی، شیڈول اور دیگر معاملات کو حتمی شکل دی گئی۔
ایشیا کپ اس سال ستمبر میں بھارت میں شیڈول تھا تاہم پاکستانی ٹیم کی شرکت پر سوالیہ نشان تھا۔
پاکستان کرکٹ بورڈ کا موقف تھا کہ جب بھارت پاکستان کا دورہ نہیں کرتا تو گرین شرٹس بھی بھارت نہیں جا سکتی۔
کونسل نے پاکستان کے موقف کو تسلیم کرتے ہوئے ایشیا کپ ٹورنامنٹ کی میزبانی متحدہ عرب امارات کو دے دی گئی۔
ٹورنامنٹ 13 سے 28 ستمبر کھیلا جائے گا جس میں ایونٹ میں پاکستان ، بھارت ، بنگلا دیش، سری لنکا ،اور افغانستان کی ٹیمیں حصہ لیں گی۔
اسی طرح کونسل نے ایمرجنگ ایشیا کپ ٹورنامنٹ پاکستان اور سری لنکا میں منعقد کرنے کا اعلان بھی کیا۔
مزید خبریں :
نعمان علی آئی سی سی پلیئر آف دی منتھ کیلئے نامزد
1 گھنٹے پہلے
