12 اپریل ، 2018 
پاکستان نے کامن ویلتھ گیمز میں تیسرا کانسی کا تمغہ جیت لیا
12 اپریل ، 2018
پاکستان نے آسٹریلیا میں جاری دولت مشترکہ کے کھیلوں میں تیسرا کانسی کا تمغہ جیت لیا۔
پاکستانی ویٹ لفٹر کے بعد پاکستانی پہلوان محمد بلال نے 57 کلوگرام کیٹگری میں کانسی کا تمغہ اپنے نام کیا۔
کامن ویلتھ گیمز میں ریسلنگ مقابلوں کا آغاز ایونٹ کے 9 ویں روز ہوا جس کے 57 کلو گرام فری اسٹائل مقابلوں میں پاکستان کے محمد بلال نے پہلے مالٹا کے پہلوان کو زیر کیا اور پھر سری لنکن پہلوان کو چِت کرکے سیمی فائنل تک رسائی حاصل کی۔
سیمی فائنل میں پاکستان کے محمد بلال کا مقابلہ بھارتی پہلوان راہول اوارے سے ہوا جس میں وہ شکست کھاگئے۔
اس کے بعد کانسی کے تمغے کیلئے محمد بلال کا مقابلہ انگلینڈ کے ریسلر جارج رام سے ہوا اور محمد بلال نے ایک کے مقابلے میں تین پوائنٹ سے کامیابی حاصل کی اور کانسی کا تمغہ اپنے نام کیا۔
رواں کامن ویلتھ گیمز میں یہ پاکستان کا تیسرا برانز میڈل ہے، اس سے قبل ویٹ لفٹنگ میں دو کھلاڑی کانسی کا تمغہ جیت چکے ہیں جبکہ ہاکی ایونٹ میں پاکستان ٹیم میڈل کی دوڑ سے باہر ہوچکی ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
