26 اپریل ، 2018 
خواجہ آصف کا فیصلہ سپریم کورٹ میں چیلنج کرنے کا اعلان
26 اپریل ، 2018
اسلام آباد: مسلم لیگ (ن) کے رہنما خواجہ آصف نے نااہلی کیس کا فیصلہ سپریم کورٹ میں چیلنج کرنے کا اعلان کردیا۔
اسلام آباد ہائیکورٹ نے تحریک انصاف کےرہنما عثمان ڈار کی درخواست پر فیصلہ سناتے ہوئے خواجہ آصف کو نااہل قرار دیا ہے۔
جیونیوز کے اینکر اور سینئر صحافی حامد میر سے گفتگو میں خواجہ آصف نے کہا کہ وہ اس فیصلے کو سپریم کورٹ میں چیلنج کریں گے۔
حامد میر کے مطابق خواجہ آصف نے کہا کہ اس میں کسی نے کوئی کمال نہیں کیا، یا تو انہوں نے اقاما چھپایا تھا، اگر چھپائی ہوئی چیز باہر آتی تو کمال ہوتا۔
حامد میر کے مطابق مسلم لیگ (ن) کےرہنما کا کہنا تھاکہ وہ جب سے سیاست میں آئے انہوں نے تب سے اپنے اکاؤنٹس اور اقاما ظاہر کیا ہوا تھا جو انہوں نے الیکشن کمیشن میں بھی ڈکلیئرڈ کیا، جس اقامے کی تصویر دکھائی جارہی ہے وہ خود الیکشن کمیشن کو دیا ہے۔
مزید خبریں :
ملتان میں فضائی معیار آج بھی انتہائی مضر صحت
3 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
