فلم میں شاہ رخ کی بہن کا کردار سلمان کے کہنے پر نبھایا تھا، ایشوریا

سابقہ مس یونیورس اور بالی وڈ ادکارہ ایشوریا رائے بچن نے فلم ’جوش‘ میں شاہ رخ خان کی بہن کا کردار نبھانے کی وجہ سلمان خان کو قرار دیا ہے۔

بالی وڈ کی 18 سال قبل ریلیز ہونے والی فلم ’جوش‘ میں ایشوریا رائے بچن نے شاہ رخ خان کی بہن کا کردار کیا تھا جس کے باعث انہیں کافی تنقید کا سامنا کرنا پڑا تھا۔

فلم میں ایشوریا کے مد مقابل اداکار چندر چور سنگھ کو کاسٹ کیا گیا اور دونوں نے فلم میں پریمی جوڑے کا کردار کیا تھا۔

اب سابقہ حسینہ عالم نے خود ہی 18 سال بعد فلم میں شاہ رخ کی بہن کا کردار کرنے کی حقیقت سے پردہ اٹھا دیا ہے۔

سلمان اور ایشوریا کی فلموں کا ٹکراؤ ٹل گیا

سلو میاں اپنی فلم کے ایشوریا رائے کے ساتھ مقابلے پر پریشان تھے لیکن سابقہ حسینہ عالم فلموں کے باکس آفس مقابلے سے بالکل بے فکر تھیں۔

اپنے انٹرویو میں ایشوریا رائے بچن کا کہنا تھا کہ فلم میں شاہ رخ خان کی بہن کا کردار سلمان خان کی وجہ سے کیا تھا کیوں کہ فلم میں سلو میاں کو چندر چور سنگھ کی جگہ مرکزی کردار نبھانا تھا۔

انہوں نے کہا کہ سلمان خان کی وجہ سے فلم ’جوش‘ میں کام کرنے کی حامی بھری تھی لیکن بعد میں وہ کاسٹ سے الگ ہو گئے تھے۔

بھارتی میڈیا کے مطابق فلم میں سلمان خان کو شاہ رخ کے ساتھ کاسٹ کیا جا رہا تھا جس کے باعث ایشوریا نے فلم میں کام کرنے کی حامی بھری تھی لیکن بعد میں سلو میاں کسی وجہ سے فلم کی کاسٹ میں شامل نہیں ہو پائے تھے۔

سلمان خان، ایشوریا رائے سے مقابلے پر ناراض

سلمان خان کی فلم ’ریس 3‘ اور ایشوریا کی ’فینی خان‘ اگلے برس عید کے موقع پر ایک ساتھ نمائش کے لیے پیش کی جائیں گی۔

یاد رہے کہ سلمان خان اور ایشوریا رائے بچن اس فلم کی ریلیز سے قبل ہی ایک دوسرے کی محبت میں گرفتار ہوچکے تھے اور دونوں کا معاشقہ طویل عرصے تک چلتا رہا تھا۔

واضح رہے کہ فلم ’جوش‘ 2000 میں ریلیز کی گئی تھی اور یہ باکس آفس پس سپر ہٹ ثابت ہوئی تھی۔