15 مئی ، 2018 
فلسطینیوں پر مظالم: ترکی کی پاکستانی وزیراعظم کو او آئی سی اجلاس میں شرکت کی دعوت
15 مئی ، 2018
ترک وزیر اعظم بن علی یلدرم نے غزہ کی صورتحال پر ہونے والے اسلامی ممالک کی تنظیم او آئی سی کے غیر معمولی اجلاس میں پاکستانی وزیراعظم کو شرکت کی دعوت دی ہے۔
ترکی نے 18 مئی کو غزہ کی صورتحال پر او آئی سی کا غیر معمولی اجلاس بلایا ہے جس میں شرکت کے لیے ترک وزیر اعظم بن علی یلدرم نے پاکستانی ہم منصب شاہد خاقان عباسی سے ٹیلی فون پر رابطہ کیا۔
ترک وزیراعظم نے شاہد خاقان عباسی کو او آئی سی اجلاس میں شرکت کی دعوت دی جو انہوں نے قبول کرلی ہے۔
اس موقع پر وزیر اعظم شاہد خاقان عباسی نے اسرائیلی غاصب فوج کے ظلم و تشدد کی سخت مذمت کرتے ہوئے فلسطینوں کی جدوجہد کی حمایت جاری رکھنے کا عزم کیا۔
ان کا کہنا تھا کہ حکومتِ پاکستان اور پاکستانی عوام اپنے فلسطینی بھائیوں کی حمایت جاری رکھیں گے اور ہر فورم پر ان کا مقدمہ لڑتے رہیں گے۔
یاد رہے کہ گزشہ 2 روز سے امریکی سفارت خانے کی مقبوضہ بیت المقدس منتقلی پر غزہ میں احتجاج کے دوران اسرائیلی فوج کی براہ راست فائرنگ سے جاں بحق فلسطینیوں کی تعداد 60 ہوگئی ہے۔
شہداء میں 16 معصوم بچے بھی شامل ہیں جب کہ 2700 افراد زخمی بھی ہوئے ہیں۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
نائجیریا: اسکول کے میلے میں بھگدڑ مچنے سے 35 بچے جاں بحق
19 دسمبر ، 2024
حوثیوں نے تل ابیب پر ہائپرسونک میزائل داغنے کی ویڈیو جاری کردی
19 دسمبر ، 2024
