عدلیہ کا شکریہ ادا کرتا ہوں: خواجہ آصف کا عدالتی فیصلے پر رد عمل

سیالکوٹ: مسلم لیگ (ن) کے رہنما اور سابق وزیر خارجہ خواجہ آصف نے اپنی نااہلی سے متعلق سپریم کورٹ کے فیصلے پر عدلیہ کا شکریہ ادا کیا ہے۔

سپریم کورٹ نے خواجہ آصف کی تاحیات نااہلی ختم کردی

اسلام آباد ہائیکورٹ کا فیصلہ کالعدم قرار، درخواست گزار کی اپیل منظور کرنے کی وجوہات بعد میں بتائی جائیں گی، سپریم کورٹ

سپریم کورٹ کی جانب سے نااہلی کے فیصلے کو کالعدم قرار دینے کےبعد خواجہ آصف نے سماجی رابطے کی سائٹ ٹوئٹر پر اپنے رد عمل کا اظہار کیا۔

خواجہ آصف نے کہا کہ اللہ نے مجھ عاجز اور گناہ گار پر رحم اور کرم کیا ہے، رب العزت کا احسان اور مہربانیوں کا شمار نہیں۔

مسلم لیگ (ن) کے رہنما اور سابق وزیر خارجہ نے فیصلے پر عدلیہ کا بھی شکریہ ادا کیا۔